TP | BANDUNG TV | ASTIR CAHYANI | Nya kawas kitu kagiatan lomba balap kuda tradisional, anu dikokolakeun di lapang pacuan kuda desa Raharja, kecamatan Tanjungsari, kabupaten Sumedang, dipaju kalawna suka bungah poe sabtu nu anyar kaliwat. Saratus salapan puluh kuda, silih adu wawanen di arena pacuan kuda. Sakumna joki ngadalikeun kuda anu ditumpakanana, di arena pacuan kuda, anu dilingkung ku gunungan. Eta kuda silih susul muru ka garis finish. Warga bangun sarumanget naker lalajo eta lomba, anu dikokolakeun kalawan tradisional. Eta lomba teh teu ngagunakeun alat start. Ku kituna, eta lomba remen diulang, lantaran kuda anu balapna, remen miheulaan lumpat samemeh eta lomba dipitembeyan.
