TP | BANDUGN TV | ASTRI CAHYANI | Mangrebu-rebu botol miras produksi pabrik resmi anu dioplos tur ditapelan pita cukai urut atawa palsu, diamankeun ku kantor wilayah Direktorat Jendral Bea dan Cukai Jawa Barat ti mimiti ahir taun 2017 tepi ka awal taun 2018. Dina tanggal 3 Februari, petugas nindak produksi ilegal barang kena cukai anu mangrupa inuman ngandung etil alkohol di salasahiji imah di kecamatan bojongsoang, kabupaten Bandung. Pihakna ngamankeun 3 rebu 7 ratus 5 puluh dua miras golongan B produksi jero negeri merk Kuda Mas, Orang Tua, tur Intisari, dua rebu dalapan puluh lima pita cukai anu dierong urut, alat produksi keur ngoplos, sarta bahan baku miras oplosan. Salah saurang tersangka wanoja inisial TR ge diamankeun ku pihakna.
