TP | BANDUNGTV | IWAN M. RIDWAN | Kiwari, runtah jadi pasualan gede anu kudu diungkulan babarengan. Ku kituna, ketak pikeun ngungkulan pasualan runtah kudu ngaliwatan mangpirang tarekah. Salah sahijina, ngadaur ulang eta runtah jadi banda atawa barang anu aya mangpaatna tur bisa dijual. Sakumaha anu disorang ku warga di desa Sukasari, kecamatan Cilaku, kabupaten Cianjur, anu boga ide kreatif tur inovatif, pikeun ngolah runtah mangpirang botol urut cai mineral, turta runtah plastik sejenna. Eta runtah atawa botol plastik urut teh, dimangpaatkeun pikeun didaur ulang, jadi sababaraha barang anu matak ngirut turta unik, anu diolah langsung ku warga di sabudeureun klinik.
