TP | BANDUNGTV | ASTRI CAHYANI | Mangratus-ratus warga ti mangpirang lelewek di sakuliah Sukabumi, bangun sarumanget naker ilubiung dina festival durian cikakak dua, di lapang batu karut, palabuhan ratu, kabupaten Sukabumi. Eta festival ge dipapaesan ku kagiatan dahar duren sapuasna ukur mayar 50 rebu, anu diwewegan ku mangpirang jenis duren lokal asli cikakak palabuhan ratu, kabupaten Sukabumi. Lian ti kitu, eta festival ge dieuyeuban ku kontes anu diiluan ku 8 jenis duren lokal asli Sukabumi. Kapunjul dina rasa anu teu elah jeung lelewek sejenna di Jawa Barat, eta potensi buah lokal teh dipiharep mampuh ngaronjatkeun widang ekonomi warga sarta minangka sektor pariwisata andeleun.
