TP | BANDUNGTV | DERI FIRMAN | Pangajen Green Leadership dicangking ku pingpinan DPRD kota Cimahi. Eta pangajen anu dingaranan Nirwasita Tantra Awards Green Leadership 2018 ditampa ku wakil ketua DPRD kota Cimahi, Agus Solihin anu dipasrahkeun kalawan langsung ku wakil Presiden Republik Indonesia, Yusuf Kalla di gedong Kementrian Lingkungan Hidup dan Kehutanan, Jakarta Timur, poe Salasa peuting. Eta pangajen teh, dicangking ku pingpinan DPRD kota Cimahi alatan respon DPRD kota Cimahi kawilang haat, patali jeung pancen panalingaan anggaran turta pangrojong pulitik lebah memeres pasualan lingkungan hidup sarta prakprakan ngokolakeun sumber daya alam.
