TP| BANDUNGTV | DERI FIRMAN | Dumasar kana amar putusan mahkamah konstitusi, nomor 31, PUU-XVI , taun 2018 ngeunaan padika ngokolakeun pemilu dina hambalan puseur, provinsi, kabupaten, kota sarta kecamatan, jadi lima kaanggotaan anu samemehna ukur tiluan. Ku kituna, KPUD kabupaten Cianjur, ngistrenan genep puluh opat anggota anyar panitia pemilihan kecamatan atawa PPK di salah sahiji gedong, di jalan kiai haji abdullah bin nuh kecamatan kota Cianjur. Eta genep puluh opat anggota PPK teh mangrupa anggota anyar PPK, anu bakal mancen di 32 kecamatan di sakuliah kabupaten Cianjur. Ketua KPUD Cianjur hilman wahyudi ngebrehkeun, salapan puluh persen anggota PPK anu diistrenan mangrupa anggota anyar PPK.
