TP | BANDUNGTV | ASTRI CAHYANI | Ngaliwatan kagiatan Jabar punya informasi atawa japri di lingkungan komplek gedong sate Bandung, poe jumaah pasosore, Senior Manager General Affair PLN Distribusi Jabar, Andoko Suyono nembrakeun, pihakna nyiagakeun kompensasi pikeun para pelanggan PLN, satutas insiden black out atawa pareum listrik poe Minggu nu geus kaliwat. Eta ketak masrahkeun kompensasi teh kapasing kana dua rupa, nyaeta pikeun pelanggan subsidi nampa 20 persen tina waragad ngagunakeun listrik, jeung pikeun pelanggan nonsubsidi nyaeta nyangking 35 persen tina rekening minimum. Padika masrahkeun eta kompensasi teh, pikeun pelanggan pascabayar dipasrahkeun bulan september nu bakal datang dina jenglengan potongan mayar listrik, ari pelanggan prabayar nampa token tambahan nalika meuli token deui.
