TP | BANDUNGTV | ASTRI CAHYANI | Nya kawas kitu kagiatan sapopoe warga nu nyarieunan tusuk sate di kampung Cipicung, desa Wangunjaya, kecamatan Cugenang, kabupaten Cianjur. Ti isuk-isuk mula, eta warga mimiti nareukteukan jeung meulahan awi, tepi ka jadi sababaraha bagean. Satuluyna, eta awi teh dirautan jadi tusuk sate. Di eta lembur, teu kurang ti dalapan puluh urang warga ngeureuyeuh usaha nyieun tusuk sate. Karereaanana anu nyieunna teh kaom ibu. Eta lembur teh, bisa nyumponan kabutuh tusuk sate di saluareun Cianjur kawas Bogor jeung Jakarta.
