TP | BANDUNGTV | ASTRI CAHYANI |Wakil gubernur Jawa Barat, Uu Ruzanul Ulum, nembrakeun, dirina ngarasa lewang dumeh kiwari panyakit HIV Aids sumebar ka desa. Samalah jabar kaasup opat provinsi di Indonesia anu jumlah kasus HIV Aids-na pangreana. Nyanghareupan eta hal, uu meredih lain ukur medis jeung pamarentah, tapi sakumna pihak kawas ulama katut guru hambalan sma sangkan ilubiung lebah ngungkulan kasus HIV Aids. Wagub meredih sawatara kabupaten anu tacan ngancokeun waragad pikeun ketak ngungkulan HIV Aids, sangkan diasupkeun kana APBD parubahan.
