TP | BANDUNG TV | DERI FIRMAN | Sajumlahing tarekah dilakonan ku petugas pemilu hambalan kecamatan, pikeun ngarojong suksesna pemilu kiwari. Kawas anu dilakonan ku panitia TPS nol salapam, anu pernahna di lembur nangerang, desa mekarjaya, kecamatan sumedang utara , kabupaten sumedang, poe rebo isuk-isuk. Panitia pemilu milih ngadegkeun TPS-na di lelewek underpas tol cisumdawu anu tacan dipake. Eta ketak teh disorang ku panitia pikeun ngirut warga, enggoning nyalurkeun hak pilihna. Warga nembrakeun ngarasa tingtrim turta aman sanajan ngalakonan pemilu di handapeun eta jambatan. Galibna warga ngalakonan pemilihan di TPS , anu ngahaja diwangun ku panitia turta warga di tempat anu negla.
