TP | BANDUNGTV | DERI FIRMAN | Dina taun 2019, pikeun anu munggaran, Seleksi Masuk Perguruan Tinggi Negeri atawa SBMPTN dilakonan ngaliwatan sistem Ujian Tulis Basis Komputer atawa UTBK tanggal 13 turta 14 April. Satutas nyorang konferensi pers di Bandung, Koordinator Pengembangan Sistem dan Implementasi UTBK, Arry Bainus nembrakeun, tepi ka poe Rebo nu anyar kaliwat mangpirang kabutuh ditataharkeun tepi ka 82 persen. Salah sahijina ngeunaan pasokan listrik. Kordinator pengembangan sistem dan implementasi UTBK netelakeun, upama rereged dina pasualan listrik teu bisa diungkulan, prakprakan UTBK bisa kateug. Lian ti kitu, minangka tarekah pikeun nyinglar bocoran soal, pihakna mahing sing saha wae asup ka rohang ujian, iwal ti patandang katut pengawas. UTBK oge dijamin bakal dipaju leuwih aman batan ujian tinulis anu ilahar.
