TP | BANDUNGTV | DERI FIRMAN | Balukar katarajang hujan gede poe Salasa pasosore, salah sahiji imah warga di kecamatan paseh, kabupaten Bandung, ruksak parna. Eta imah warga ruksak balukar taneuh ngiser tepi ka ngabalukarkeun beton anu nanggeuy imah luhureunana rempag tepi ka ninggang tembok imah. Imah milik ujang sulaeman, ruksak bagean tembok tukangna, dapur, jeung ngaruksak parabotan rumah tangga. Ku kituna, kulawarga ujang sulaiman kapaksa ngungsi ka imah kadangwargana. Salah saurang warga, lia herlina nembrakeun, eta musibah teh karandapan satutas hujan anu narajang lelewek Bandung rebo pasosore. Dirina ngarasa lewang lantaran imah anu dicicinganana meh-mehan rugrug balukar beton panyangga imahna milu kabawa taneuh ngiser turta ngaruksak imah sejenna.
