TP | BANDUNGTV | DERI FIRMAN | Satutas nampa kunjungan ti Asosiasi Kopi Spesial Indonesia di Gedong Sate Bandung, poe Kemis beurang, Gubernur Jabar Ridwan Kamil nyindekeun bakal ngadegkeun lembaga kurasi jeung sertifikasi kopi. Eta ketak teh disorang lantaran ekosistem kopi di Jawa Barat kurang maksimal, upamana bae tembong tina binih kopi anu teu standar, teknik mupu anu asal-asalan, turta prakprakan ngokolakeunana anu teu distandardisasi. Balukarna, nalika diekspor, rasa kopi Jabar teu angger. Padahal, ti sakumna wewengkon di Indonesia, Jawa Barat panghadena dina hal potensi geografis pikeun tatanen kopi.
