TP | BANDUNGTV | DERI FIRMAN | Nalika diwawancara satutas dirina diistrenan minangka bupati Garut periode 2019-2024, Rudy Gunawan nembrakeun, pihakna nampa waragad 30 miliyar ti gubernur pikeun revitalisasi situ Bagendit. Eta proyek revitalisasi situ Bagendit anu rancanganana ti gubernur teh, bakal nincak hambalan lelang dina bulan Februari. Ku kituna, dina bulan april, revitalisasi mimiti dipaju. Sanajan kitu, bupati ngeceskeun, waragad 30 miliyar moal cukup keur ngalakonan revitalisasi situ Bagendit anu legana meh-mehan 150 hektar. Ku kituna presiden oge kedal jangji bakal masrahkeun waragad 100 miliyar pikeun revitalisasi eta situ. Ku kituna, situ Bagendit lain ukur jadi puseur distribusi cai tina bendungan copong, tapi oge pangjugjugan wisata dunya.
