TP| BANDUNGTV | ELBY NOPITRI | New media atawa media anyar ngarojong para nonoman dina nampa beja jeung komunikasi jadi leuwih gampang. Tapi lian ti mawa balukar anu positif tangtuna aya nu negatif, nyaeta sumebarna bewara hoax jadi leuwih gampang. Eta sumebarna bewara hoax teh, tangtu lain wae katampa ku nu geus sawawa, tapi ku para nonoman utamana para pelajar. Pikeun ngungkulan eta hal, ikatan jurnalis televisi Indonesia ngokolakeun pelatihan etika make media sosial ka mangpuluh-puluh pelajar di kecamatan Lembang, kabupaten Bandung Barat. Ketua IJTI sangkuriang, edwan hadnansyah nembrakeun, eta kagiatan teh, mangrupa salah sahiji tina peran IJTI pikeun ngageuing para nonoman sangkan leuwih cerdas, ngeunaan etika make media sosial.
