TP| BANDUNGTV | DERI FIRMAN | Pasualan elatna mangsa panen pare periode Oktober tepi ka Desember 2018, diebrehkeun ku sekretaris daerah Jawa Barat, Iwa Karniwa, minangka kasang tukang nguranganana produksi beas dina awal taun 2019. Eta hal teh karandapan alatan anomali hawa dina ahir taun 2018. Masih ceuk iwa, minangka tarekah pikeun ngungkulan kurangna stok beas, presiden RI marintahkeun perum Bulog keur ngadalikeun stok sarta stabilisasi harga beas medium dina taun 2019, di sakuliah Indonesia. Eta hal teh dipitembeyan ku prakprakan nyumebarkeun beas premium di 45 gudang di perum Bulog divisi regional Jabar. Prakprakan nyumebarkeun ngaliwatan operasi pasar teh, dipiharep bakal nyumponan kabutuh poko masarakat utamana beas, kalawan harga anu leuwih murah batan di pasar, utama keur masarakat teu mampuh, sarta stabilisasi harga beas satutas hari besar kaagamaan tur nasional 2018, anu mawa efek positif keur inflasi di Jabar dina awal tahun 2019.
