TP | BANDUNGTV | DERI FIRMAN | Nya kawas kitu beus wisata saba kota Cimahi atawa anu dilandih sakoci. Minangka anu munggaran, eta armada beus diujicoba ngurilingan mangpirang jalan protokol di kota Cimahi ti mimiti jalan gandawijaya, jalan gatot subroto, jalan jenderal amir mahmud, tepi ka pungkas di kantor pamarentahan kota Cimahi, jalan demang harjakusumah. Samalah, kamari, walikota ajay m priatna, numpak langsung bari nyupiran eta beus sakoci. Ti saprak dipitembeyan di jalan pasi kumeli, walikota ngangkut sajumlahing warga di jero eta armada beus sakoci. Beus sakoci mangrupa armada hibah ti pemerintah provinsi anu dipasraheun kalawan simbulis ku gubernur Jabar, Ridwan Kamil saMinggu katompernakeun. Rarancangna, eta beus teh bakal jadi andeleun kota Cimahi dina program wisata militer. Pangna kitu, kota Cimahi kawentar minangka puseur atikan militer angkatan darat. Engkena masarakat boga lolongkrang keur numpak beus sakoci minangka pangjugjugan wisata ka sababaraha tempat kaasup puseur atikan militer. Samalah, warga ngarasa bungah kana jenglengan sakoci, dumeh dierong mampuh ngaronjatkeun potensi wisata di kota Cimahi turta minangka edukasi pikeun masarakat.
