TP | BANDUNGTV | ASTRI CAHYANI | Satuan tugas Citarum Harum sektor 22 mayeng satekah polah ngagentakeun revitalisasi walungan Citarum. Salah sahijina di desa Sukajaya kecamatan Lembang, kabupaten Bandung Barat. Komandan sektor 22 kolonel infantri asep rahman umajak ka para patani katut para wawakil warga, pikeun aub dina kagiatan penyuluhan prakprakan ngokolakeun limbah jeung runtah. Dina eta kagiatan teh, satgas Citarum Harum peupeujeuh yen runtah katut limbah kokotor sato ternak kawas sapi, domba jeung hayam sangkan teu dipiceun ka walungan, tapi bisa dimangpaatkeun jadi gemuk.
