TP | BANDUNG TV |ASTRI CAHYANI | Dina babak semifinal di Gor Pusbang SDM Aparatur Perhubungan, Jalan Raya Parung Bogor poe Minggu nu anyar kaliwat, tim futsal putra kota Bandung mampuh ngadominasi prakprakan pertandingan. Di babak kahiji, kota Bandung mampuh nyitak opat gol, ka gawang tim kota Bogor anu diaping ku Doni Setiawan. Opat gol kota Bandung dicitak Ramadhan Zidani di menit ka-2, Aji Satria Pratama di menit ka-12, Giffari Usman di menit ka-18 sarta Fikri Untung dina menit ka-20. Sajeroning kitu, dina babak kadua, tim kota Bogor kungsi ngudag ngaliwatan gol anu dicitak ku m Zatul Qahfi di menit ka-22. Tapi, eta hiji gol teh teu bisa ngahudang mental tim futsal kota Bogor, lantaran satutas eta gawangna kabobolan 3 gol. Eta tilu gol anu dicitak ku tim kota Bandung teh, ngeureunkeun perlawanan tim kota Bogor. Eta tilu gol pamungkas teh dicitak Rizki Aulia Rahman di menit 28, Radyan Ferdiansyah di menit ka-32, sarta Rizal Musthopa di menit ka-35.
