TP | BANDUNG TV | ASTRI CAHYANI | Iwan Heryawan, warga Cicurug, kabupaten Sukabumi, geus lila ngalakonan uji coba nyieun pupuk organik atawa gemuk anu ramah lingkungan. Saprak taun 1985, mangpirang panalungtikan terus dilakonan pikeun nyiptakeun hasil maksimal, tur hargana bisa kadongkang ku patani. Satutas panalungtikan di laboratorium basajan pribadina, dirina bisa nyiptakeun gemuk herbisida anu bisa numpes gulma atawa jajaba, kalawan bahan dasarna 90 persen cai laut. Eta herbisida teh dicindekeun anu munggaran aya di indonesia, anu mampu ngarobah lahan tatanen jadi subur. Patani kiwari teu kudu ngaduruk lahan atawa ngagunakeun mesin dina prakprakan mimitian nyawah, anu dierong teu efektif samalah teu pamohalan bisa bahaya. Eta gemuk teh geus diuji coba dina salah sahiji lahan anu bala ku jajaba. Hasilna, dina waktu 3 tepi ka 5 poe, eta jajaba teh peang tur gampang dirabutan bari teu matak ngaruksak kasuburan taneuh. Samalah, dirina nembrakeun eta lahan teh bakal jadi subur.
