TP | BANDUNG TV | ASTRI CAHYANI | 1.500 warga ti sawatara wewengkon di Indonesia, riung mungpulung di lapang babakan, perkebunan enteh malabar, pangalengan, kabupaten Bandung, pikeun aub dina kagiatan West Java Eco Marathon. Lian ti kitu, sajumlahing patandang ti luar negeri kawas Australia, Perancis, Jepang, tepi ka Kenya ge, ngareuah-reuah event lari Marathon Internasional anu munggaran dikokolakeun di lelewek pagunungan. Patandang tembong sarumanget naker samemeh gubernur Jawa Barat, Ahmad Heryawan, mitembeyan eta kagiatan. Ti mimiti barudak tepi ka anu geus sawawa, aub dina Event Marathon Internasional munggaran anu dilakonan ku pamarentah Provinsi Jawa Barat. Jarak tempuh nu dicindekeun ku panata calagara kapasing kana 4 etape, nya eta 5 kilometer, 10 kilometer, 21 hiji kilometer, tepi ka anu pangjauhna, 42 dua kilometer.
