TP | BANDUNGTV | ELBY NOPTIRI | Prakprakan panartiban terus dilakonan petugas gabungan ti satpol pp, tni, polri, jeung dinas perhubungan kota sukabumi, ka sajumlahing pedagang kaki lima atawa pkl, anu daragang di jalan ahmad yani, kota sukabumi, poe senen isuk-isuk. Eta lapak pkl anu ditartibkeun mangrupa padagang anu daragang di bagean sisi jalan jeung trotoar. Padahal, eta lokasi teh kaasup kawasan zona merah, hartina pkl dipahing daragang di eta lelewek. Lian ti diperedih pindah tempat dagang, petugas ge ngamankeun sawatara lapak. Sanajan teu narima, padagang pasrah tumarima nalika lapak daganganna diangkut petugas.