TP | BANDUNG TV | ELBY NOPITRI | Musibah taneuh urug anu karandapan di sajumlahing lelewek di wewengkon Puncak, kabupaten Bogor, jadi panitenan utama pamarentah provinsi Jawa Barat, lantaran ruruntuk urug oge nyaeur jalan nasional anu nepungkeun kota Bandung katut Jakarta. Balukarna eta jalur utama teh ditutup total ku pihak Kepolisian Resor Bogor. Wakil gubernur Jawa Barat, Deddy Mizwar, ngageuing warga Jakarta katut bekasi anu matuh di babantar walungan, sangkan sayaga, lantaran cai anu limpas tina bendungan katulampa bisa ngabalukarkeun caah kiriman ka wewengkon ibukota Jakarta, katut bekasi. Lian ti kitu, Demiz oge mahing warga anu seja iinditan ngaliwat ka jalur puncak anu katarajang musibah taneuh urug. Warga diperedih sangkan ngaliwat ka jalur jonggol atawa sukabumi, jero tilu poe nu bakal datang. Eta hal teh luyu kana iber anu dipedalkeun ku badan meteorologi klimatologi dan geofisika Jawa Barat.